Tuzajyanwa kuri wa munsi

Tuzajyanwa kuri wa munsi

Ubw’ impand’ izab’ ivuze

Tuzateranir’ imbere ye,

Dushimir’ Umwami Yesu

Hazamanuka ba maraika

Bazaza kurimbur’ abantu,

Abanze kwakir’ Umukiza,

Bakamurutish’ iby’ iyi si

Abafit’ abagore benshi

Icyo gihe bazahanwa

Abarozi n’ abashikisha

Ndetse n’ abapfumu bose,

Bazakorwa n’ isoni rwose

Imbere y’ Umukiza Yesu

Bazashak’ aho bahungira

Nyamara ntibazahabona

Abatunz’ iby’ iyi si gusa

Bazashyirwa mu rubanza

Ubutunzi bwabo bw’ iyi si

Buzahinduk’ umurama

Nta cyo bazabasha kubona

Cyabakiz’ ibyaha bakoze

Bazafatwa kur’ uwo munsi

Batabwe muri wa muriro.

Natwe Bakristo ba Mesia

Nta teka tuzacirwaho

Tuzaba tujya nywe mw ijuru,

Tuzasangira na Yesu

Azatwambik’ imyenda yera

N’ ingofero nziza cyane

Inkota z’ abamaraika

Zizirukan’ abanyabyaha