← AgakizaIndirimbo ya 30 mu Agakiza

Ubugingo bwacu ni bugufi cyane

1

Ubugingo bwacu ni bugufi cyane,

Twabugeranya n’ ubwato mu mazi

Tunyura mu nyanja i’ rimw amakuba,

Arik’ Umukiza ni w’ utuyobora

Gusubiramo

Ubwo tuyoborwa n’ Umukiza wacu,

Dufit’ amahoro mur’ urwo rugendo

Kand’ azatugeza mw ijur’ amahoro,

Ntabgo tuzongera kwibuk’ urugendo

2

Tunyura mu mbeho mu muyaga mwinshi,

Ijambo ry’ Imana rituber’ umucyo

Ubwoba n’ amakuba mur’ ubwo bwato

Bizibagirana mw ijuru kwa Yesu

3

Nubw’ uwo muyaga ufit’ imbaraga,

Natwe twegereye ku nkombe y’ uruzi

Nta muyag’ uhari, nta murab’ uhari

N’ ukuri tuzasohora mu mahoro

4

Ubwo tuzagera kwa Data mw ijuru,

Rwose tuzashimir’ Umukiza Yesu

Nta yandi makuba tuzagir’ ukundi,

Tubanye na Yesu mu bwami mw ijuru