Nezerwa cyane, wa si we

Nezerwa cyane, wa si we;

Araje Shobuja !

Mwa bayibamo mwese mwe,

Musangwe mwinonosoye,

Nimumukingurire,

Mumwakir’ abiharire;

Kand’ ibyaremwe byose bimuhimbaze !

Nezerwa cyane, wa si we,

Ko yimy’ ingoma ye !

Mwa bantu mwe, twishimane,

Tunezerwe bihebuje

Namwe, bamarayika,

Turirimban’ ishimwe rye

Namwe misozi mwese, nimurangire !

Non’ ibitovu n’ amahwa

Nimubirimbure !

Twanizwe n’ ibicumuro

N’ intimba byatumezemo

Yes’ araturengera

Ngw abirandure muri twe,

Wa muvum’ awusimbuz’ umugisha we

Yazanywe no kuganz’ isi,

Ngo twes’ atwereke

Ishimwe n’ icyubahiro

Bituruka mu kwera kwe

No mu rukund’ afite,

Urw’ akund’ abacumuye

Tumuhimbaze: n’ Umukiz’ utangaje !