Mukiza, ni Wowe zuba ryanjye

Mukiza, ni Wowe zuba ryanjye:

Nta joro ngir’ iyo turi kumwe

Iby’ isi bye kub’ igicu

Kinkingiriz’ umucyo wawe !

Kand’ iyo mbony’ ibitotsi byiza,

Bikanduhur’ umubir’ urushye,

Nibuke yuko mw ijuru,

Nzahora nkwiseguye, Yesu

Tujye tuguman’ umunsi wire,

Kuko ntabaho tutari kumwe;

Tugumane na n’ ijoro;

Tutabanye, natinya gupfa

Niba hagiz’ uwasuzuguye

Ijwi ry’ Imana kur’ uyu munsi,

Tangira none, Mukiza,

Kumuyobor’ inzira nziza

Mwam’ abarwayi, mubane maso,

Uh’ abaken’ imigisha myinshi,

Kand’ abapfushije na bo,

Mwam’ ubasinzirize neza

Kandi, Yesu, tuzakangukane,

Dukor’ imirimo, turi kumwe,

Nyuma tuzajye mw ijuru

Tugoswe n’ urukundo rwawe