Yesu yageze mu Rwanda

Yesu yageze mu Rwanda,

N’ i Burund’ agerayo;

Yigerey’ i Tanganyika

N’ i Bugande n’ i Kongo

Yadukuye mu bugoryi

No mu mwijima mwinshi;

Tumuberey’ umuryango:

Tumusingize cyane !

Imana yishimye cyane

Kubon’ ibyo yaremye;

Byari biboneye byose,

Nta n’ inenge byarimo

Maz’ umunt’ iramurema,

Ab’ umukurambere

W’ inyamaswa n’ amatungo;

Byos’ abyit’ amazina

Satan’ ajy’ arushy’ abantu,

Abah’ ibishushanyo

No kubabuz’ agaciro

No kubarushya cyane

Yabahugij” Umuremyi,

Ababwir’ ibinyoma

Abahemukir’ iteka:

Ni we mwanz’ ukabije

yemwe mwes’ abari mw isi

Abakuru n’ abato,

Nimumenye yukw Imana

Yer’ ikang’ ibyaha pe !

Ni cyo cyatumy’ ic’ Adamu,

We na Hawa, mw Edeni,

Ikarimbura ya mirwa,

Sodomu na Gomora

Yemwe mwes’ abari mw isi,

Namw’ abari mw ijuru,

Nimumeny’ Imana yacu

Yukw ar’ inyambabazi!

Yatanze n’ Umwana wayo,

Aratubabarizwa;

Yagiriwe nabi cyane,

Bamubamba ku Giti

Yes’ ashobor’ imitima

Y’ abinangiye bose,

Uhereye mu Bulaya,

Ukageza mw Afrika

Nta mitima w’ atabasha,

Nubgo yaba nk’ ibuye;

Nubg’ irimw ibyaha byinshi

Yos’ arayishobora