Twishimir umunsi w' Imana

Twishimir’ umunsi w’ Imana,

Tubonahw ibyishimo

N’ umunsi turuhukiraho,

Tuvuye mu mirimo,

Imibabaro yac’ ivuyeho

No kwiganyira kose

N’ umuns’ abakuru n’ abato

Basingiz’ Uwiteka

Imana yarangije byose

Kur’ uyu munsi mwiza;

Kandi ni ho Kristo yazutse

Urupf ‘arunesheje,

Ngo dukizw’ ibyaha n’ ingeso mbi;

Maz’ atwoherereza

Umwuka w’ Iman’ ihoraho,

Wamanutse mw ijuru

Iyo tugejej’ uyu munsi

Tubon’ ubukiriro,

Tuba dusa n’ abasohoye

Ahitwa Paradiso

Twari tuguy’ umwum’ ukabije;

None tubony’ amazi;

Kand’ isi twasezeranijwe

Tuba tuyigezemo

Non’ ingoma nyinshi zavuze

Guhamagaz’ abayo,

Bateranire gufungura

Ifunguro ry’ Imana:

Ubutumwa buramurikira

Bos’ abo mu mwijima,

Kandi busa n’ amazi meza

Ahembur’ imitima

Nuko dusab’ Iman’ iduhe

Ub’ umugisha mushya

Kugira ngo tuzasohore

Mu bwami bwo mw ijuru

Ni ho tuzajya duhimbarisha

Ijwi ry’ umunezero

Data wa twese n’ Umwana we

Kandi n’ Umwuka Wera