Igitabo cy' Imana

Igitabo cy’ Imana,

Ndagikunda, n’ icyanjye:

Ni cyo kimbwir’ ukuri,

Yuko nd’ umunyabyaha

Kinyigish’ urukundo

Rw’ Umucunguzi wanjye:

Iyo nyoby’ inzira ye,

Vuba kirantarura

Iyo ntewe n’ ibyago,

Kimar’ umubabaro;

Nigishwa na cyo yuko

Nd’ umusuhuke mw isi

Igitabo cy’ Imana

Kimbwira yuk’ umuntu

Azanesha n’ urupfu,

Yizey’ Umucunguzi

Kimbwira k’ utihana,

Agapfan’ ibyaha bye,

Azarimbuka koko,

Ntabane n’ Uwiteka

Kandi nigishwa na cyo

Kw’ abakunzi ba Yesu

Bazahabw’ ibyishimo

Bitazashir’ iteka

Igitabo cy’ Imana

Gihora kinyigisha

Amagamb’ ahebuje:

Ndagikundir’ ukuri